New Delhi : Lok Sabha intikhabaat 2019 ke nataij ke elaan ke baad har taraf Modi hukoomat par dobarah bharosa zahir Kiya gaya hai to doosri janib Hindustan ke aqliton aur khaas kar musalmanoun mein ek qisam ki mayoosi aur ek anjana khauf bhi dekha gaya. nataij ne jahan BJP ko shandaar kamyabi dilwai hai wahein musalmanoun ke liye 2014 ke bar aks 2019 ke nataij kisi qader hosla afzaai hain kyunkay is martaba parliment mein pounchanay walay muslim arkaan ki tadaad mein izafah hua hai .
Nataij ke hatmi elaan ke baad BJP ko apnay dam par wazeh aksariyat hui haasil hui hai. usay khud 303 nishistoun per kamiyabi mili hai aur congress ki Zaire iqtedar riyasatoun mein bhi kamal ka phool khula hai jabkay qaumi jamhoori ittehaad ( NDA) ne 353 nishistain haasil ki hain. oppostion jamaaton ko ek baar phir nakami ka saamna karna pada hai. guzashta lok sabha intikhabaat mein agar muslim numaindagi ki baat ki jaye to is martaba muslim arakeen-e-parliment ki tadaad mein izafah hua hai .
Poooray mulk mein is martaba 27 musalmanoun ne jeet haasil ki hai. jabkay 2014 ke lok sabha intikhabaat mein 23 musalman muntakhib hokar parliment puhanche they. is tarhan se is martaba muslim numaindagi mein izafah zarur hua hai. lok sabha intikhabaat 2019 mein Majlis-e-ittehaad ul muslimeen ke sarbarah Asaduddin Owaisi ko telangana ke Hyderabad se ek bar phir shandar kamiyabi haasil hui hai. jabkay un ki hi party ki ticket per Maharashtra ki aurang abad mein Imtiyaz jaleel ne shandar kamyabi haasil karkay tareekh raqam ki hai. Qabil-e-zikar hai ke 40 saal baad is nishist par kisi muslim umeedwar ko kamiyabi mili hai. is se qabal 1980 mein Saleem qaazi kamyaab hue they. is tarhan se Aurangabad nishist se jeetnay walay Imtiyaz jaleel dosray musalman hain .
Uttar pardesh ke Senior muslim rehnuma aur samaj waadi party ke qadawar Azam Khan ne Rampur se sabiq rukan-e-parliment Jaya prada ko shikast day kar shandar kamiyabi haasil ki hai. unke alawa sambhal se Dr Shafeeq ul Rehman barq, ghazipur se Muqtar Ansari ke bhai Afzal Ansari, Amroha se Danish Ali , Muradabad se Dr ST Hussain , Saharanpur se Haji Fazl ul Rehman ne kamyabi haasil ki hai .
Atar tijar All India united democratic front ke sarbarah moulana Badr Uddin Ajmal ko ek martaba phir parliament pounchanay ka mauqa mila hai. jabkay Aasam se congress ke Abdul Akhlaq ko jeet mili hai. is ke alawa Do muslim arakeen parliment puhanche hain. is mein hajj committee of India ke chairman Mehboob Ali Qaisar dusri martaba lok jin shakti party ke ticket par khagadia se jeet kar parliament puhanche jabkay Dr Mohammed Javed kishan ganj se parliment tak rasai haasil karne mein kamyaab hue hain .
Jammu Kashmir may national conference ke Farooq Abdullah, Hasnain misavdi aur Mohammed Akbar ne jeet haasil ki hai. jabkay Kerala mein ke AM Arif aur muslim league KAT Mohammad Basheer Ali kamyaab hue hain. Punjab se Mohammad Sadiq kamyaab hue hain. Lakshwadeep se Mohammad faizul ne kamyabi haasil ki hai. maghribi bangal se 6 muslim arkaan parliment puhanche hain. Aboha Sham Khan choudhri, Nusrat Jahan, Khaleeq ul Rehman , abu Taher khan , aur Sajida Ahmed , Ali maghribi bangal ki taraf se musalmanoun ki numaindagi karenge. halaanke guzashta Lok Sabha intikhabaat mein bangal se 8 muslim arakeen-e-parliment pounchanay they. Tamilnadu se ke Nawaz ko bhi kamyabi mili hai. -YTN STAFF