Ahmedabad: Lok Sabha intekhabaat ki tareekh ka elaan ho taay hi Siyasi jamaten intekhabi muhim mein masroof hain. aur intekhabaat atay hi aik baar phir se siyasi Leadron ne Pakistan se mutaliq raag alaapna shuru kar diya hai. Is douran Gujrat ke Wazir e Aala Vijay Rupani ney daawa kiya hai ke Lok Sabha Election mein ” Ghalti se” Congress jeetey gi to Pakistan mein Diwali dekhney ko miley gi.
Gujrat ke Mehsana mein BJP ki Vijay Sankalp Rally mein Vijay Rupani ney kaha ” halaanke aisa ho ne wala nahi hai lekin jab 23 May ko natijon ka elaan hoga aur agar Ghalti se Congress jeet jati hai to Pakistan mein Diwali manayi jaye gi kyunkay woh (Congress) se judey hain.
BJP Leader Vijay Rupani ney kaha ke Mulk ki awam 23 May ko Narendra Modi ki jeet ko yakeeni banaye gi. Jis ke baad Pakistan mein gham manaya jayega.