Bangkok: Takreeban 2 mah tak jari rehne walay lockdown mein narmi ke bad Thailand ke chand saahil shehrioun ke liye khol diye gaye hain. Thailand apne mausam, Khobsorat samandar aur jazeeroun ki wajah se waisay bhi sayahat ke liye sab se pasandeeda maqamat mein se ek hai jahan sara saal hi mulki aur ghair mulki sayahoun ka hujhoom rehta hai.
Khabar rasan idaray ki un mein dekha ja sakta hai ke lockdown mein narmi ke foran bad shehrioun ne saahil samandar ka rukh kiya aur weraan sahiloun ki ronqain ek martaba phir loot aaye hain. Thailand ke Pattaya shehar ke wasee saahil per afraad khandan ku 2 mah gharoun mein band rehne ke baad lutaf andoz honay ka mauqa mil raha hai. Shehri ahteyati tadabeer apnatay huve aur samaji faasla rakhtay huve saahil samandar par lutaf andoz ho rahay hain.
Pattiyaan shehar khobsorat manazer ki wajhe se khair mulki sayaho mein bhi bohat mashhoor hai. Is tasweer mein dekha ja sakta hai ke walidain apne bachoun ke sath lutaf andoz ho rahay hain.
Muqami intizamia ki janib se 2 mah se band tafrehi maqamat ko shehrioun ke liye kholnay se pehlay un ki safai ki gayi hai. Thailand mein lockdown mein narmi ke baad zindagi aahista aahista mamool ki taraf loot rahi hai. Mulk mein tamam Salons aur Parlors sameit Tattoos bananay ke marakaz bhi khol diye gaye hain. -YTN STAFF