Dubai: Coronavirus se bachao ke liye duniya ke kayi mumalik mein lagaye jaanay walay Curfew ne ek se ziyada shadi karne waloun ko mushkil mein daal diya hai aur wo pareshani mein mubtala hain. Tafseelaat ke mutabiq Dubai Police ke ek ohdedar ne kaha ke Curfew mein towsee ke bad sekadoun sawalaat mil rahay hain jin mein kayi sanjeeda hain aur kai dilchasp bhi hain. 1 shakhs ne istafsaar kiya ke wo 2 shadian kiye huve hai kiya usay doosri biwi ke paas jaanay ke liye Curfew paas haasil karna hoga?. Dubai Police ke Director Brigadier Saif Al-Mazuri ne TV Interview mein kaha ke agar koi shakhs 2, 3 ya 4 shadian kiye huve hai to wo Curfew paas se istashna nahi hai. Usay ghar se baher niklny ke liye Curfew paas lena hi hoga.
Al-Mazurohi ke mutabiq terhan terhan ke sawalaat kiye jarahay hain. Zaati noiyat ki batoun ka Police se koi lena dena nahi. Al-Mazurohi ne mazeed kaha ke Allah un mardoun ki madad kere jinhein har din Curfew paas lena pad raha hai. Un se bada masla un logoun ka hai jo pehli biwi se doosri shadi chupaye huve hain. Dubai TV maizban ne ek se zayed shadian karne waloun ku mashwara deya ke Coronavirus ke phelao ko roknay ke liye Curfew aap ke liye aasmani tohfa hai. Agar aap kisi biwi ke paas nah jana chahtay hon to behtareen izr yahi hai ke is se ye keh diya jaye ke mujhe Murfew paas nahi mila. -YTN STAFF