Hyderabad: Hyderabad aur Secunderabad mein Lockdown karne waloun ke khilaaf Police ney apni karwai mazeed sakht kardi hai. Madina Building, Masab Tank, Nampally, S.D Road, Begumpet, Chadharghat aur Bahadurpura sameit mutadid maqamat par Police ki bhaari nafri tainaat thi. Traffic Police ke sath aman o amaan ki Teams ney sadkoun par ghair zurori naqal o harkat ki nigrani ke liye shehar mein izafi Check Posts qayem ki hain.
Police ne kaha hai ke logoun ko sirf is soorat mein baher aana chahiye jab inhen koi hungami sorat e haal ho. Mazeed ye ke inhen 3 kilometer ke usool par amal peda hona padega. Lockdown ko sakhti se nafiz karne ke liye Commissioner Task Force ke ahelkaar puranay shehar ke muta-ad elaqoun mein gasht karte dikhayi diye. Shehar ke mukhtalif ilaqoun mein Lockdown khilaaf warzi karne waloun ko roknay ke liye Police ney lathioun ka istemaal karne ki mutadid Videos Social Media Platforms par manzar-e-aam par ayen. Hyderabad ke Commissioner Anjani Kumar ney kaha ke Police un afraad ke khilaaf karwai keregi jo Lockdown ki khilaaf warzi kar rahay hain.
Cyberabad aur Rachagunda ki mutadid ahem sadkoun par Police ney Brigades lagatay huve mukhtalif maqamat par sakht aur gehri Checking ki. Cyberabad aur Rachagunda Police Commissionerate ke har ahem maqam aur hassas maqamat par Security ke behtar intizamaa kiye gaye thay aur izafi nafri tainaat ki gayi thi. Motercycle ko Brigades se guzarte huve sakht mushkil ka saamna karna pada kyunkay ney Lockdown ke douran sadkoun par anay walay ki wajohaat jan-nay ki koshish mein masroof thi. –YTN STAFF