Hyderabad: IT Companies ko mulazimeen ki sad feesad haazri ke sath apna kaarobar chalanay ki ijazat di gayi hai, Lekin lockdown par aayed pabandioun mein narmi ke 3 haftoun baad bhi IT mulazimeen ki haazri mein koi qabil qadar ezafa nahi huwa hai. Mazeed ye ke IT companies ne apne mulazimeen ki sehat ko mad e nazar rakhtay huve mazeed kuch waqt ke liye khud sakhta lockdown par amal pera hain. Chunkay shehar ke IT markaz Gachibowli aur HiTech City weraan nazar aa rahi hain.
IT companies par pabandi khatam karne ke foran baad hi ye pesh qiyaasi ki jarahi thi ke mulazimeen ki haazri mein har haftay 8 se 10 feesad ki sharah se izafah huga lekin corona ke mamlaat mein din bah din izafah hi ho raha hai lehaza IT companies ne mulazimeen ko kuch aur waqt ke liye ghar se kaam karne ki sahoolat di hai.