Hyderabad: Kahawat mashhoor hai ke neki kar darya mein daal, jiske matlab to hum ne yahi seekha hai ke kisi ke sath ahsaan ka maamla is khamoshi ke sath kiya jaye ke is neki ka kisi ko pata nah chalay lekin aaj ke is khudgharz daur mein ye kahawat badal chuke hai aur log yeh kehnay par majboor hain ke neki kar aur gadhay mein gir. Aisa hi kuch guzashta roz paish aaya jahan lift dainay ki neki karne walay ko hi aag lagadi gayi.
Tafseelaat ke mutabiq guzashta roz Ali al-subah yahan puranay shehar ke Balapur ke sultan pur mein namaloom afraad ne ek nojawan ko Nazar aatish kardiya. Shuba hai ke sabiq dushamni is hamlay ka baais bani hai. Mutasirah shakhs ki shanakht 28 sala harish ke naam se ki gayi hai, jo jalel guda se talluq rakhnay walay khangi mulazim hai. Hamla awaron ne subah chaar bajey ke qareeb ek weraan jagah par us par hamla kiya.
Police ke mutabiq ek namaloom shakhs ne chandrayangutta ka rehaishi honay ka daawa kiya tha jab LB nagar ke ek theater mein film dekhnay ke baad harish se lift talabb kiya. Harish ne is shakhs ko apni bike par sawaar karliya jis ke baad rasta mein aik sansaan jagah par mushtaba shakhs ne harish par hamla karne walay ek group ko bhi shaamil kiya tha.
Police ne bataya ke unhon ne pehlay is par petrol chhidhka aur wahan se faraar honay se pehlay usay aag lagadi. subah 6 bajey ke lag bhag muqami rahaishion ne harish ko shadeed jhulasi hue halaat mein zameen par paaya aur police ko is ki ittila di. police ne maqam-e-waardaat par pahonch kar mutasirah shakhs ko Osmania general hospital muntaqil kiya jahan iski haalat mustahkam batayi gayi hai. Balapur PS ne qatal ki koshish ka muqadma darj karkay tafteesh shuru kardi hai.