Bhopal: Pakistan ko sabaq sikahnay ke liye jung ki batein karne walay siyasi jamaatoun se na khush gandhi wadi SN Subbarao ne Chaharshamba ko kaha ke jung ki himayat mein aisay umidwaroun ko maidan mein utaara ja na chahiye jin ke betay fauj mein apni khidmaat injaam day rahay hain .
Subbarao nay kaha ke dehshat gardi Hindustan ke alawa deegar sabhi mulkoun ke liye bada challenge ban chuki hai. Pulwama dehshat gard hamle ke baad Hindustan ki janib se ki gayi karwai munasib thi. magar Pakistan ko sabaq sikahnay ke liye jung wahid rasta nahi ho na chahiye .
Subbarao nay kaha ke jung ke maidan mein ko noon marta hai? Sipahi! aur uss ke ghar walay takleifein uthate hain. siyasat daan sirf jung ki baat karte hain, magar apne beton ko sarhad par ladnay ke liye nahi bhejtay. woh sarkari schooloun ki baat karte hain lekin apne bachoun ko beroon mulk padhnay ke liye bhaijtay hain. woh aam hospitals ki baat karte hain, lekin ilaaj ke liye beroon mulk jatay hain. yeh dohra miyaar hai .
Padosiyoun ki ahmiyat par zor dete hue gandhi ke nazariyoun ke haamil shakhsiyat Subbarao nay kaha ke 146146 aap apne dost badal satke hain magar padosi nahi.is liye apne padosioun se dosti rakhiye.