Kayi logon ke halaak hojane ka khadsha. saneha ke nateeja mein 6 hazaar se zayed afraad be ghar.
Attapeu : Asian Country Laos mein aik zair e taamer Dam ke totnay se pani dehaton mein daakhil hogaya jis ke nateeja mein sainkdon afraad la patah aur darjanon gaon zair aabb aagaye. Bain ul aqwami khabar rasan idaara ke mutabiq junoob mashriqi Asiayi Mulk Laos ke soobay Attapeu mein waqay zirtamir hydro electric Dam totnay se 5 Billion cubic pani 6 dehaton ko –apne sath baha le gaya. Selaab ke baais sainkdon afraad la patah jab ke 6 hazaar 6 so afraad be ghar hogaye, la patah afraad ke halaak hojane ka khadsha zahir kya ja raha hai. Xepian-Xe Nam Noy Dam par 410 mega watt bijli paida karne ke liye power station qaim kya ja raha tha jis ke liye 2013 mein 1. 2 billion dollar ke project ka aaghaz kya gaya tha jo 2019 mein mukammal kya jane wala tha. Is power plant se haasil honay wali 90 feesad bijli Thailand ko farokht ki jani thi jab ke maabaqi bijli muqami grid station ke liye mukhtas thi. Dam par qaim power plant ki taamer ke khilaaf muqami an jee auz aur maholiyati tanzeemon ney apne khadshaat ka izhaar karte hue usay muqami abadi ke liye khatrah qarar diya tha aur yeh khadsha zahir kya tha ke muqami abadi ko pani ki qillat ka bhi saamna ho sakta tha. Is power station par kaam karne wali companiyon ka talluq Thailand aur North Korea se hai jab ke aik muqami company bhi shaamil hai. selaab ke baais taahad nigah pani hi pani hai jis ki wajah se logon nay chaton par panah le rakhi hai. rescue idaron ko mutasirah ilaqay taq pounchanay ke liye shadeed mushkilaat ka saamna hai. helly kaptrz ki madad se selaab mein phansay afraad ki mehfooz ilaqay mein muntaqili ka amal jari hai. ohdedaron nay pani mein phansay afraad ko bachanay ke liye kashtiyan le aeye hain. Dam taamer karne wali janoobi Korea ki company nay kaha ke shadeed barish aur selaab ke nateeja mein Dam toot gyaavr woh Dam ke qareeb dehation ko bachanay mein Laos hukoomat ka taawun kar rahi hai. s ke engineering and construction ke tarjuman nay kaha ke hum aik hungami team chlarhe hain aur Dam ke qareeb ke dehaton mein makeeno ke takhlia aur un ko bachanay ki mansoobah bandi kar rahay hain. company ke aik aur ohdedar nay kaha ke yeh wazeh hojane par ke Dam toot jaye ga fauri 12 dehaton ko khaali kardainay ki hadaayat day di gayi thi. janoobi Korea ki wizarat kharja nay aik payam mein kaha ke company ke 50 workers aur Korea western power ke teen mulazmeen ko jo tameeri prajkt ke paas qiyam kiye hue they bchalya gaya hai.