Kuwait city: Kuwait ke hakkaam ne Yemen ke Judo sports club samar ke trianer Saddam Hussain ko Judo Arab Tournament mein shirkat ke liye visa dainay se inkaar kiya hai. Kuwait ke inkaar ki wajah Yemeni trianer ka naam Saddam Hussain hona hai. Wazeh rahay ke Iraq ke sabiq sadar Saddam ne Kuwait par najaaiz qabzay ka hukum jari kiya tha.
Roosi khabar rasan idaray RT ke mutabiq KuwaitiJudo Organization ke ohdedar ne yemeni shehri se is baat ke liye moazirat ki hai ke usay Kuwait ka Visa nahi diya ja sakta. Kuwait ne Judo ke degar Yemeni khiladioun ko visas ki manzoori di hai taham trianer ko visa na milnay se Yemen ke khiladi aindah mah Kuwait mein honay walay Judo ke Arab Tournament mein shareek nahi hosakin ge.
Yemeni Trainer Saddam Hussain ne Kuwait ke faislay par herat aur nagwari ka izhaar kiya hai. Saddam Hussain ne kaha Judo ke Arab Tournament mein hamari team Arab teamoun se muqaabla nahi kar sakay gi. Hamara khawab tha ke is muqablay mein shareek hon lekin samar club ke trianer ko visa na dainay ki wajah se poora programme moattal hogaya hai. -YTN STAFF