Kurnool : Mangal ki subah Kurnool zila ke B Tandrapadu gaon mein chath ke sath deewar girnay se 15 afrad shaded tour per zakhmi ho gay.
Yeh waqea is waqt pesh aaya jab mutasireen Muharram ka juloos dekhnay ke liye ghar ki chath par khadey they. zakhmion ko Kurnool ke government general hospital mein daakhil kiya gaya hai. 15 mein se 5 ko khopdi aur haddi ke fracture ka saamna karna padh raha hai.
Dehatiyoun ney Muharram juloos mein angaar se bharay gadhay ke qareeb raqs kar rahay they. aur kayi log iska nazarah kar rahay they. kayi log apne gharon ki chatoun se is raqs ka nazarah kar rahay they. isi douran yeh waqea paish aaya. aur log zakhmi hogaye. ittila milnay par police mauqa par pohanchi aur sorat-e-haal ka jaiza liya. –YTN STAFF