Kolkata: Coronavirus ke bohraan ke douran jahan ek tabqay ki janib se musalmanoun ki nishana bananay ki koshish ki ja rahi hai wahein muslim tabqa lagataar blatfriq logon ki khidmat injaam day raha hai. Kolkata ke mitya burj mein Ghosia masjid ki intizamia ne masjid ko quarantine Center bananay ki pesh kash ki hai.
Is se qabal Pune, Maharashtra mein Azam Campus mein waqay masjid aur darul uloom deoband ne bhi Dar-ul-Qoran ko Quarantine center bananay ki pesh kash ki thi. Wazeh rahay ke haliya dinoun maghribi bangal mein coronavirus ke mareezoun ki tadaad mein izafah huwa hai. Jamie Masjid Ghosia ke Imam Maulana Qaari Mohammad Muslim Raju ne kaha ke Masjid intizamia aur muqami logoun ke mashwaray ke baad hum logoun ne masjid ke ek hissay ko Quarantine center bananay ki pesh kash ki hai. Unhuon ne kaha ke agar Allah ke ghar ko insanoun ki jaanun ki hifazat ke liye istemaal kiya jayega to is se badh kar khushii kiya hogi.
Unhuon ne kaha ke muqami awam ne ne bhi is ki razamandi zahir ki hai aur ab kolkata Corporation ke haath mein hai wo kya faisla karti hai. Wazeh rahay ke lockdown ki wajah se Masajid band hain sirf chand afraad masjid mein aazan aur namaz ka ihtimaam kar rahay hain. is waqt chunkay coronavirus ke mareezoun ki tadaad mein izafah ho raha hai aur kayi dawakhanoun ku earzi tor par band kiya ja raha hai aur Drs police bhi is bemari ke zad mein aa rahay hain aur Corona waba mein izafay ki wajah se aglay chand dinoun mein mazeed Quarantine marakaz ki zaroorat par sakti hai. Aisi soorat e haal mein mein Masjid intizamia ne masjid ki pesh kash kar ke qeabil tareef karnaama anjaam diya hai. –YTN STAFF