Cuttack: Hindustani cricket team ke captain Virat Kohli ne West Indies ke khilaaf Oneday series jeetnay ke baad apni team ki karkardagi par itminan ka izhaar karte hue kaha hai ke wo isi terhan ICC trophy haasil karte rahen ge. Hindustan ne West Indies ke khilaaf teesray aur faisla kin Oneday mein 316 Runs ke baday hadaf ka taqub karte hue 8 gindin baqi rehtay hue 4 wicket se jeet apne naam karli thi.
Is match mein tenun top order Rohit Sharma ( 63 ), K. L. Rahul ( 77 ) aur Virat Kohli ( 85 ) ne nisf century Score lekin aakhri waqt mein Ravindra Jadeja ne Not Out 39 runs ki Inning khail kar jeet ko yakeeni banaya. Kohli ne match par kaha hum ne pehlay bhi kayi martaba aisay match khailay hain, Is liye ab hum is terhan ke halaat mein pur sukoon rehtay hain. Is terhan ki Pitch mein choti shiraakat daari ki zaroorat hoti hai aur is se hareef par dabao banta hai. ye bhi dekhna dilchasp hota hai jab aap ki team ke deegar khiladi khail ko aap ke liye khatam karte hain.
Kohli ne kaha sach kahoon ke mein jab out huva tu kaafi fikar mand hogaya tha lekin Jadeja ne apni shandaar Inning se 3 overs mein hi khail ko khatam kar diya. Maidan ke bahar se match dekhna aur bhi mushkil hota hai. Kohli ne saal ki aakhiri series jeet ke sath apne naam karne par khushi zaher karte hue kaha, Hamaray liye world cup ke wo 30 minutes chhodh kar 2019 ek behtareen saal raha hai. Ye bohat kamyaab saal raha hai aur hum agay bhi ICC Trophy isi terhan haasil karte rahen ge. –YTN STAFF