New Delhi: Hindustani cricket team ke sabiq cricketer Sanjay Manjrekar ne kaha hai ke Kohli ki qayadat mein moujooda hindustani team ne sabiq mein Imran Khan ki zair-e-qayadat Pakistani team ki yaden taaza kardi hain jiske paas ye salahiyat moujood thi ke woh hareef team ke mun se kamyabi cheen lete thi.
Virat kohli ki qayadat mein hindustani team ne Newzealand ke khilaaf jis tarhan muzahirey kiye hain aisay hi muzahirey Imran Khan ki qayadat mein Pakistani team kiya karti thi.
Imran Khan ki qayadat mein Pakistani team woh mukhtalif tareeqa janti thi jis se shikast ke muaqqaf se khud ko bahar nikaltay hue kamyabi haasil karti thi. yeh is liye hi hota hai jab khiladi ko khud par bharosa hota hai.
Cricketer se commentator ban’nay walay Sanjay ne tweet karte hue kaha ke aakhri muqaabla mein jis tarhan hindustan ne newzealand ko 7 runs se shikast day kar 5-0 ki kamyabi haasil ki woh kaafi shandaar karnaama hai.
Unhoun ne KL Rahul ki bhi kaafi tareef ki hai jo kay wicket keeping ki zayed zimmedaari nibhanay ke alawa mutasir kan batting muzahirey bhi kar rahay hain. unhon ne tweet kya ke newzealand ne hindustan ke liye agar koi daryaft hai to wo batsman wicket keeper KL Rahul hai jinhoun ne wicket keeping ke sath shandaar batting ka bhi muzahira kiya. –YTN STAFF