Hyderabad: Kheloun ki duniya mn aaj shaiqeen ko do khush khabriyan suneney ko mili hain kyunkay din ke ibtidayi hissa mein hindustani cricket team ke captain maa bani hain.
Hindustani cricket team ke captain virat kohli aur bollywood adakara Anushka ke yahan aaj beti ki paidaiesh hui hai. Virat kohli ke liye unki beti ki paidaesh ka din dohri khushi ka raha kyunkay ek janib hindustani team ne sydney test mein shandaar muzahira karte hue Australia ko imkani kamyabi se daur rakha to doosri janib Anushka sharma ne inhen beti ki khush khabri sunayi.
Virat kohli ne twitter par apne khayalat ka izhaar karte hue kaha ke hamein aap ke sath yeh khushkhabri bantey hue kaafi musarrat horahee haike aap ki duaon aur naik tamannaon se aaj hamaray ghar beti ki aamad hui hai. Hum apni zindagi mein ek naye baab ka aaghaz kar rahay hain aur is mauqa par mein un tamam logon ka bhi shukriya ada karta hon jinhon ne naik tamannaon ka izhaar kya tha. yaad rahay virat kohli pehlay test mein shirkat ke baad Australia ke dora se watan wapas lout gaye thay kyunkay unhon ne is dora se qabal hi BCCI se rukhsat talabb ki thi jisay board ne qubool karte hue kohli ko dourah ke darmiyan se hi watan wapsi ki ijazat dee thi.
Doosri janib Babita ne apne shohar jo ke khud bhi wrestler hain un ke sath apne naye maheman ki ek photo share ki hai. Wrestlers jodi ne apne bayan mein kaha hai ke hamein beta hua hai. Is mauqa par babita ne tweet kiya ke hamaray betay se miliye. is mauqa par saina nehwal aur suresh raina ke alawa kayi ek sports shaksiyatoun ne inhen mubarak bad di hai.