Hyderabad : Bhartia Janata Party ke senior leader aur Secunderabad lok sabha halqa ke umeed waar, G Kishan Reddy ne aaj logoun par zor diya ke woh 11th April ko honay ja rahay lok sabha intikhabaat mein inhen unkay pichlle record ko dekh kar vote den .
Meet-the-press programme mein khitaab karte hue Kishan Reddy ne kaha ke unhoun ne 15 saal tak rukan-e-assembly ke tor par awam ki khidmat ki aur awam ke masail hal kiye. unhoun ne kaha ke kam waqt ki Wajah se woh intikhabi halqa ke sabhi ilaqoun ko cover nahi kar satke they .
Kishan Reddy ne bharosa jataayaa ke wazeer-e-aazam Narendra Modi ko Iqtidaar se bedakhal karne ke oppostion ki koshisho ke bawajood woh Iqtidaar par barqarar rahenge. Kyun kay poooray mulk mein Modi lehar ki wajah, unki be los awaami khidmaat se awam mein josh hai. BJP leader ne yeh bhi kaha ke Iqtidaar ke bhukay oppostion jamaten logoun ko lubhaney ke liye namumkin waday kar rahay hain, lekin unki yeh koshishein nakaam hongi .- YTN STAFF