New Delhi: Krantikari kisaan union ke sadar Darshan paal ne kaha hai ke kisaan union ne markazi hukoomat ki tajaweez ke masode ko mustard kardiya hai. Unhon ne mazeed kaha ke hum 12 decemeber tak Dehli- Jaipur highway band kar deinge. 14 decemeber ko BJP ke dafatir ka gherao kiya jayega aur Mulk ke beshtar hisson mein ehtajaji muzahirey kiye jayenge. Hum Mulk ke deegar hisson se anay walay kisanon ko bhi aawaz day rahay hain woh Dehli pohnchain aur hukoomat ke khilaaf apni aawaz ko buland karen.
Ehtijaj karne walay kisanon ne corporate companian jin mein ambani aur Adani sare fehrist hain sab ka bhi boycott karne ka faisla kiya hai. zarayi marketing ke qawaneen ko mansookh karne ke liye dabao ke liye hazaron kisaan is waqt Dehli ki sarhadoon par apna shadeed ehtijaj kar rahay hain. mangal ki raat wazeer-e-dakhla Amit Shah ki taraf se talabb kardah ek ijlaas nakami par khatam hua kyunkay kisaan rehnumao ne hukoomat ke naye zarayi qawaneen mein tarmeem karne ki hukoomat ki paish kash ko mustard karte hue saaf alfaaz mein kaha hai ke woh qanoon saazi ko khatam karne se kam kisi bhi tarhan ke hal ko qubool nahi karenge.
Dehli ki mukhtalif sarhadoon par ehtijaj ke khatmay ke liye hukoomat aur kisaan union ke mabain mazakraat ka chhata daur mansookh kardiya gaya hai. Ek janib jahan hukoomat apne naye qawaneen ko kisi bhi tarhan barqarar rakhnay ke haq mein hai to doosri janib kisaan baradri is qanoon ko wapas lainay se kam kisi bhi mauzo par mazakraat ke haq mein nahi hai. yaad rahay ke is waqt sara Hindustan kisanon ki janib se markazi hukoomat ke mutanazia zarayi qawaneen kiye jane walay ehtijaj mein shaamil hai aur 8 December ko Bharat band ke douran awam ke kisanon ko diya jane wala sath zahir hochuka hai.