New Delhi: Delhi police commissionaire SN Srivastav ne kisanon ke ehtijaj ke zareya Tractor Rally ke liye hifazati intizamaa se mutaliq ek gashti nama jari kya jo mangal ko yom-e-jamhooria ke baad munaqqid hoga.
Gashti nama mein kaha gaya hai ke yom-e-jamhooria parade security intizamaa ke liye tainaat tamam ohdedaron ke sath CRPF aur kisi bhi doosri force ko aagah kiya jaye aur tayyar rahen ke sarkari jashnn khatam honay ke fori baad unhen amn-o-aman ke intezamat ki zaroorat hogi.
Is mein kaha gaya hai ke police ohdedar ke liye dopehar ke khanay ka intizam kiya jaye aur woh apne apne zonal sector afsaraan ke charge ke tehat apni duty par amadah rahen. Gashti nama mein kaha gaya hai ke ohdedaron ko yom-e-jamhooria mananay ke intizamaa ke baad munasib aaraam ko bhi yakeeni banana chahiye aur mangal ke roz kisaan Tractor Rally ke silsilay mein aman wo Amaan ke intizamaa ke liye mukhtasar notice lene ke baad tayar rehna chahye.
Police ne kaha ke kashtkaron ki mujawaza Tractor Rally yom-e-jamhooria ki taqrebaat ki muddat khatam honay ke baad shuru hogi. Police ke mutabiq Rally Dehli ke teen sarhadi maqamat Singhu, tekri aur ghazipur se nikaali jayegi aur is ko munasib hifazati intizam fraham kiya jayega.
Pichle saal November ke baad se ziyada tar Punjab aur haryana se talluq rakhnay walay kisaan Dehli ke mutadid sarhadi maqamat jin mein singhu , tekri aur ghazipur shaamil hain, Is ke markaz ke teen naye zarayi qawaneen ke khilada ehtyajar kar mutaha raht kar hain ke is qanoon ko kaladam qarar diya jaye. Kisanon ne qabal azeen elaan kiya tha ke woh yom-e-jamhooria ke mauqa par zarayi qawaneen ke khilaaf ehtijaj ke tor par par aman Tractor parade ka ineqad karenge.