New Delhi: Congress ke sabiq sadar Rahul gandhi ne kaha hai ke Mulk ka kisaan zarayi mukhalif qawaneen ko mustard karne ke liye ehtijaj kar raha is liye har shehri ko is tehreek se wabasta hokar unka sath dena chahiye. Rahul gandhi ne mazeed kaha ke Mulk bhar se kisaan Delhi ki sarhadoon par ehtijaj kar rahay is liye sab ko milkar un ki is tehreek ko agay badhaane mein un ka sath dena chahiye aur in ki aawaz buland karni chahiye.
Unhon ne kaha pur aman tehreek jamhoriat k ek laazmi juz hota hai. hamaray kisaan behan bhai jo tehreek chala rahay hain, usay poooray Mulk se himayat mil rahi hai. aap bhi un ki himayat mein aawaz buland karte hue is jad-o-jehad ko aage badhayain taakay zaraat mukhalif qawaneen khatam hon. Doosri janib congress ki general secretary prinka gandhi vadra ne kaha hai ke hukoomat agar kisaan tehreek khatam karkay kisanon ki ghar wapsi chahti hai to is ke liye usay kaasht kaari se mutaliq tenu qawaneen wapas lainay ka elaan karna hoga.
Priyanka gandhi ne congress ke un arakeen parliment aur arkan-e-assembly se mulaqaat ki jo kisaan tehreek ki himayat mein guzashta 32 dinon se jantar mantar par dharna day rahay hain. Unhon ne un muntakhib numaindon se congress ke sabiq saddar Rahul gandhi ki rahaish gaah par mulaqaat ke douran apne khayalat ka izhaar kiya. Priyanka gandhi ne congress ke rehnumaon se kaha hum sabhi kisaan tehreek ki himayat mein khadey hain aur is jad-o-jehad mein hargiz peechay nahi hatinge. Unhon ne mazeed kaha ke hukoomat ko har haal mein kisanon ki baat sun kar un ki tehreek khatam karni chahiye. Is ka hal yahi hai ke hukoomat qanoon wapas le. is ke alawa koi hal nahi hai.