Hyderabad : Koun asli hai aur koun jaali ohdedar hai iska andaza lagana mushkil hota hai jis ka faida utha kar aksar auqaat kayi jaali aur farzi ohdedar awam ko dhoka dete hain. aisa hi ek waqiya hyderabad mein pesh aaya jahan ek dasvin jamaat se hi taleem tark karne walay shakhs nay khud ko police ohdedar aur reporter zahir karte hue awam ko dhoka diya aur lakhoun rupaye hadap liye hain lekin bil-akhir woh police ki girift mein aa chuka hai.
43 sala Tanveer Hussain Rizvi jo khud ko police ohdedar, reporter aur insani huqooq ke bain ul aqwami ohdedar ke tor par zahir karta tha is ki jaalsaazi ki had yeh hui ke iski apni biwi aur bachay bhi usay asli police wala hi samajte they kyunkay woh na sirf police ki wardi istemaal karta tha balkay is nay ek wireless walky talky bhi haasil kar li thi aur khud safari suit mein is tarhan ghoomta tha ke kisi ko is ki jaalsaazi ka andaza bhi nahi hua balkay is nay apne paas ek south zone commissionaire task force hyderabad city police ka shanakhti card bhi rakh liya tha. Hussaini alam police ke mutabiq Rizvi naay khud ko police ohdedar zahir karne ke liye is Nafasat se kaam anjaam diya ke khud iski biwi aur bachey bhi ise haqeeqi police ohdedar samajhney lagey.
Hussaini aalam police ke mutabiq Rizvi dasvein jamaat se hi taleem tark kar chuka tha aur is nay is ke baad apne khandan ki tijarat mein bhi koshish ki aur qismat aazmai lekin yahan bhi usay kamyabi haasil nahi hui jis ke baad is nay security guard ke tor par bhi mulazimat ikhtiyar ki aur 2014 mein is nay home guard ke liye bhi darkhwast di lekin yeh is koshish mein kamyaab nah ho saka jis ke baad is nay khud ko jaali ohdedaar ke tor par awam ke samnay paish karna shuru kiya.
Task force ke additional DCP Chaitaniya kumar nay tafseelaat batatay hue kaha ke Hussain Rizvi khud ko task force of central zone DCP office ka police constable zahir karte hue awam se paisa wusool kar raha tha. is ke alawa is nay kayi afraad ko home guard aur constable ki mulazimat faraham karne ka bhi dhoka dete hue unse ruqumat haasil ki. khud ko haqeeqi police wala zahir karne ke liye yeh apne malbosaat aur Hulia bhi police ohdedaron ki tarhan ikhtiyar karta hai. police ohdedaron ney Rizvi ke khilaaf paanch muqadmaat ki nishandahi bhi ki hai jo-ke hyderabad aur Cyberabad mein darj hain jin mein is-par 8 taa 9 laakh rupay ki dhoka dahi ki shikayaat darj hain. –YTN STAFF