Times Now, First Post, New Indian Express aur Reliance ke idaron ki Websites se Gujrat ke Cooperative Bank ke sab se ziyada mansookh shuda Notes jama karwane se mutaliq khabar ki ashaat ke fori baad wapas le li gayi.
New Delhi. Note bandi ke douran mansookh shuda Notes sab se ziyada deposit karne walay Cooperative Bank ka bhartia jnta party ke qaumi saddar se talluq honay se mutaliq story Reliance ke Websites Bashmole news 18, Times Now, First Post aur new Indian Express par post ki gayi thi taham achanak hi yeh story ko htadya gaya. un Websites ne apni posts ko wapas lainay ki koi wazahat nahi ki. yaad rahay ke moodi sarkar ne 8 November 2016 ko achanak 500 rupay aur 1000 rupay qader ki currency noton ko mansookh karne ka elaan kardiya tha jis ke baad un currency noton ko Bankon ke tavassut se wapas karne ki shehrion ko mohlat di gayi thi. news agency’ aayi ae an s’ ne yeh khabar jari ki thi .
Mumbai ke aik RTI karkun ki qanoon haq aag_hi ke zareya haasil kardah maloomat ke mutabiq Ahmedabad District Cooperative Bank( ADCBI ) ne jis ke aik dayrktr bi jay pi ke qaumi saddar mister Amit Shah bhi hain, note bandi ke baad 745. 59 crore rupay maliyat ke 500 rupay aur 1000 rupay ke mansookh shuda Notes deposit karwaye jo Cooperative Banks ki janib se jama karwai gayi rqomat mein sab se ziyada hai. note bandi ke 5 dinon baad 14 November se tamam district Cooperative Bankon ko mansookh shuda Notes tasleem karne se mana kardiya gaya tha taake aisay Bankon ke tavassut se kalay dhun ke deposits ko roka jasakay. Bank ke Website ke mutabiq kayi barson se mister Amit Shah mazkoorah Bank ke Director hain. RTI Activist Mr. Manoranjan S Rai ne bataya ke Ahmed abad district Cooperative Bank ke baad dosray number par rajkot Cooperative Bank ne 693. 19 crore rupay maliyat ki mansookh shuda Notes haasil kiye they, jis ke Chairman Jayesh Bhai Vithal bhai Rudadiya hain jo Gujrat ke Chief Minister Vijaya Rupani ki hukoomat mein cabinet wazeer hain. Un dono Banks ne Gujrat ke reyasti satah ke Cooperative Bank’ Gujrat state Cooperative Bank limited se bohat ziyada hai jis ne1.11 crore rupay ke mansookh shuda Notes wusool kiye they. un Websites ne agarchay yeh khabar post ki thi magar achanak hi un posts ko apni Websites se htadya aur is ki koi wajah bhi nahi batayi gayi.