Hyderabad: Pichlle dinoun Shadnagar ke qasbay mein ek khatoon Veterinary doctor ki Ismat darri ke bad qatal kiye jaaney ka waqea pesh aaya tha, Aur Chatanpally se Priyanka Reddy nami is khatoon ki jali hoyi laash dastyab hoyi thi. Aur is ki laash mili thi. Khatoon Doctor ismat darri aur qatal ke khilaaf muqami logoun, Khawateen aur talba ne, Hafta ko Shadnagar qasbay ke ek police station mean ehtajaji muzahira kiya, Jahan 4 mulzimaan ke khilaaf case darj kiya gaya tha.
Logoun ne is qatal ke mulzimaan ko phansi dainay ka mutalba kiya. Is douran unhoun ne ”ham insaaf chahtay hin“ ke naaray bhi lagaye. Kuch muzahireen ka kehna tha ke muashray mein un mujrimoun ki ke liye koi jagah nahi hai, Lehaza Incounter kar dena chahiye. Police ne kisi bhi na Khushgawar waqeye ki rokk thaam ke liye police station ke aas paas Securities sakht kar di hai aur izafi bil tainaat kiya hai. Mulzimien ko magistrate ke samnay pesh karne ke liye Mehboob Nagar ki ek fast track adalat mein le jaya jaye ga.
Wazeh ke 25 sala Veterinary dr ko 2 truck driveron aur 2 Cleaners ne zayad-ti ke baad qatal kar diya tha. Baad mein is khatoon doctor ki laash Shadnagar ke qareeb Chatanpally se jali hui haalat mein dasteyab ho yi thi. Cyberabad police ne jummay ki shab is waqea mein mulawis 4 mulzimaan ki giraftari ka elaan kiya.
Mulzimaan ki shanakht. Mohammad Arif, Chintakunta Chennakeshavulu, truck driver aur Jollu Shiva, Jollu Naveen, dono laree cleaner ke tor par hui hai. Arif ki omar 26 saal hai, jabkay 3 deegar mulzimaan ki omar 20 saal hai. Tamam mulzimaan ka talluq telangana ke Narayanpet zila se hai. Police ne un mulzmien ke bayanaat qalamband karne ke liye jummay ki raat inhen tehweel mein le liya. – YTN STAFF