Hyderabad: Maazi mein emiratein girnay ke waqeat aur hadsaat ki bunyaad par is Monsoon mein GHMC intahi khatarnaak aur khasta haal dhanchoun ki nishandahi kere gi aur jaan o maal ke nuqsaan se bachney ke liye un ahatoun ko khaali kardey gi. Greater Hyderabad Municipal Corporation ( GHMC) ke Commissioner DS Lokesh Kumar ne kaha ke Monsoon ke season aur shehrioun ki zindagi ki hifazat ke liye GHMC ne khasta haal imaartoun se nimatnay ke liye ek Action plan tayyar kiya hai.
Is amli mansoobay ke ek hissay ke tor par Corporation fori Survey kere gi aur mutaliqa ilaqoun mein khasta haal imaartoun ki nishandahi kere gi. Neez pichlle saal ke ilawa naye shanakht shuda dhanchay ke sath mutaliqa halqoun mein khasta haal imaartoun ki hatmi fehrist tayaar kar rahi hai. Unhoun neh mazeed kaha intahi khatarnaak imaartoun ki soorat mein, Peshgi ahteyati tadabeer ikhtiyar ki jayen gi jaisay awam ka khasta haal imarat se takhlia karna, Imarat ko meher band karna aur is par pabandi lagana, Aur ahteyati notice pesh karna. Call Centers, Control Room aur WhatsApp se mossola shikayaat foran amal karege.
Saal 2016 ke baad se jumla 1438 emiratein masmaar ki gayi hain. Haal hi mein Mayor Bonthu Rammohan jinhoun ne Monsoon se qabal honay wali barish ke baad shehar ke bunyadi dhanchay ko pounchanay walay nuqsaan ka andaza lagaya hai aur kaha hai ke Monsoon ke douran imarat ke girnay ke mumkina khatray se bachney ke liye GHMC 200 ke qareeb khasta haal dhanchay munhadim karlega . Mazeed ye ke GHMC ne selaar bananay waloun ki nai khudayi ki ijazat nah dainay ka faisla kiya hai aur pehlay hi jahan kaam jari hai, GHMC builder ko matti ki mazbooti, Deewar ki taamer, Zameen ke atraaf mein rakawaten khada karne aur deegar iqdamaat sameit tamam mayaari hifazati tadabeer ikhtiyar karne ki hidaayat jari keregi.
Corporation khodnay walay selaar mein mulawis khatraat ka mutalea kere gi aur is ke mutabiq zameen ko malbay se bharnay sameit kaam kere gi. Malikaan ki taraf se hidayat par amal nah karne par GHMC Act ke mutabiq notices jari kiye jayen ge aur khilaaf warzi karne waloun ke khilaaf karwai ka aaghaz kiya jaye ga. Nashebi khittoun aur pahadi ilaaqoun ( khaas tor par Banjrahills aur Jubilee hills ) ki soorat mein, Khaali jaghoun par iqdamaat uthae jayen ge.