Riyadh : Ek janib duniya mein kayi aise mumalik hain jahan aam aadmi ko do waqt ki roti naseeb nahi hoti to doosri janib kayi aisay mumalik bhi hain jahan khana kaseer miqdaar mein zaya kiya jata hai. duniya mein khehatِ ghurbat se neechay zindagi guzaarne walon ki tadaad kam nahi horahee hai jahan ghareeb afraad do waqt ki roti ko taras rahay hain wahein kuch mumalik aisay bhi hain jo ek khateer raqam ka khana zaya kardete hain. khana zaya karne walay mumalik ki jo fehrist samnay aayi hai is mein Saudi arab khana zaya karne walay mumalik mein poori duniya mein pehlay number par hai.
Saudi arab ka shumaar yun to Ameer mumalik mein hota hai lekin yahan bhi kayi log ghurbat ki zindagi guzaar rahay hain. ek taraf ghareeb iflaas ke hathoun bhooka rehne par majaboor hain to doosri taraf rozana 70 million Riyal laagat ka khana kachray ke daboun mein chala jata hai. tafseelaat ke mutabiq Saudi arab ke 90 feesad gharoun ke afraad bache jaanay wala khana zaya kardete hain. rozana 427 ton fazil khana kachray ke dabon ki nazar kardiya jata hai. Saudi arab ke 90 feesad gharanoun ke afraad bache jaanay wala khana zaya kardete hain.
Saudi arab mein ulama aur samaji aur iqtisadi umoor kay mahireen fazil khanay ke zayaa ke nuqsanaat ke barey mein aagahi muhim chalarhe hain. Mulki aur ilaqai satah par kayi aisi anujameen qaim kar di gayi hain jo fazil khana jama kar ke bhookhon tak pohanchanay ka intizam kar rahi hain. alawa azeen Ikram flahi anjuman nay June 2019 ke douran sirf Mecca Mukaramah se 49 tan fazil khana jama kiya. yeh khana anjuman ke arkaan nay shadi khanoun, hotesl, restaurants , gharoun, security force ke idaron se haasil kiya aur 89 hazaar se zayed afraad mein taqseem kiya. Mecca Mukramah mein tahaffuz khwarak anjuman Ikram nay fazil khanay se mutaliq adaad wo shumaar par tabsarah karte hue kaha ke hamein nahi maloom ke hamaray Raza karon nay jo kaam kiya is par hum khush hue ya Haibat naak adaad wo shumaar ko dekh kar dukhi huen.
Na-jaaney kitna khana ghaflat aur laparwahi ki wajah se zaya ho gaya hoga jisay hum jama nah kar sakay aur isse kisi ko faida nahi pouncha sakay. fazil khana jama karne ke liye qaim niji anjuman khairaat ki chairperson Noorah Bint-e-abdul aziz ney kaha ke hamein har din fazil khana milta hai phir hum usay hifzaan sahet ke usoolon ke mutabiq mehfooz karke taqseem kardete hain.
Wizarat-e-zaraat ke mutabiq Saudi arab mein ek tahai ghiza zaya kar di jati hai. sabiq rukan Shoora Dr Ahmed al Mafreh ney is sorat-e-haal par tabsarah karte hue kaha ke hamein kifayat shiari ka nizaam mutaarif karwana hoga aur khana zaya karne walon par jurmane muqarar karna hoga.
Shoora ke ek aur sabiq rukan Dr nasir bin dawood ney kaha ke shadi khanoun aur mukhtalif taqreeban marakaz mein khana zaya karne waloun ke khilaaf sazayen muqarar karni zurori hain. qanooni musheer abdullah al inzi ney kaha ke hamaray yahan taqrebaat mein khana zaya karne walon ki saza ke liye koi qanoon nahi. At’aam anjuman ke Aamir al barjis ney kaha ke hum ney fazil khana jama karne ke liye badey badey shadi khaanoun aur hotels ke sath muahiday karliye hain. doosri janib wizarat zaraat ney kaha hai ke Saudi arab mein ek tahai ghiza zaya kar di jati hai. –YTN STAFF