Hyderabad : Khammam shehar mein TSRTC ki ek khatoon conductor ne TSRTC ki hadhtal par hukoomat ke sakht muaqqaf ki wajah peer ko phansi laga kar khud kushi karli. halaak honay wali khatoon ki shanakht Khammam shehar ki rehne wali 37 sala Neerja ke tor par ki gayi. woh Salthupally Bus depot mein kaam karti thi. iske kumba ke afraad ne ilzaam lagaya ke woh hadhtaal jaree rehne se kaafi afsurdah thi.
Taham, ghar mein koi khud kushi note nahi mila hai. Bata dein ke TSRTC mulazmeen ki hadhtaal 24 win din mein daakhil hogayi hai. sabhi opposition jamaatoun ke rehnuma TSRTC mulazmeen ki JAC ki taied kar rahay hain. khatoon conductor ki mout ki khabar sun-nay ke baad mushtami hadhtali kaarkunon, oppostion siyasi jamaaton ke rehnumao ne ek Juloos ke zareya is khatoon ki laash ko Khammam zilai collector ke daftar pohanchaya aur daftar par hamla karne ki koshish ki. taham, collector office par police ehalkaron ne inhen rokkk liya, jiske nateejay mein police aur muzahireen ke darmiyan bhagdardh mach gayi.
Sath hi RTC mulazmeen ne Sathupally RTC depot par ehtijaj kiya aur depot se anay wali buses ko rok liya. iske sath hi khamam, Sathupally shahrah par gadiyon ki amad wo raft maflooj rahi. –YTN STAFF