Hyderabad. Zila Khamam mein Aswarapurpet Assembly halqa se talluq rakhnay walay Telangana Rashtra Samiti ke Senior qayed Kondalkandla Venkat Reddy ney chand qaideen ke sath party ko khairbad keh diya. Woh zila ke Chandrugonda aur Annapureddypalle Mandals ke maqbool aam qayed hain. Venkat Reddy jo sabiq wazeer Jalgam Prasad Rao ke pairokaar thae apne siyasi career ka aaghaz uss waqt kiya tha jab Anjhani Chief Minister Y S Rajshekhar Reddy Congress ke qayed thae. Venkat Reddy ney congress party mein apni khidmat anjaam di thi aur Kothagudem halqa Assembly mein Party ki kamyabi mein kaledi role ada kya tha. Baad azan woh YSR Congress party mein shaamil hogaye thea. Woh chand saal qabal Congress party ke aik aur kalidi qayed Thati Venkateshwarulu ke hamrah TRS mein shumoliat ikhtiyar ki thi. Maloom huwa hai ke sabiq wazeer Jalgam Prasad Rao ney Venkat Reddy se riyasat mein siyasi tabdeelion par tabadlah khayaal tha aur yeh elaan kya tha ke woh mutahidda Khamam Zila ke kisi aik halqa assembly se muqaabla karne ka iradah rakhtay hain. Venkat Reddy ke is faisla se ab yeh wazeh hochuka hai ke woh Congress Party mein bahut jald shumoliat ikhtiyar karlen ge.