Hyderabad: khaleeji mumalik ki companian aur Ajir apne sabiq Mulazmeen ko duty se rujoo honay ki dawat dete rahay hain kyunkay mashriq wasti ki companiyon ko corona ki wajah se lockdown ke doraniye mein mazdoor bohraan ka saamna karna pada hai. Lock down ki muddat ke douran companiyon ne mazdooron ko unke aabadi maqamat par wapas bhaij diya tha lekin ab chunkay khaleeji mumalik mein halaat behtar ho chukay hain lehaza Ajir apne mulazmeen se kaam par wapas anay ki appeal kar rahay hain kyunkay un mumalik mein logon ke safar par pabandi kaafi had tak kam hogayi hai, mutahidda arab amarat, kuwait aur Saudi Arab ko chodh kar bahrain, Doha , Qatar, Oman aur deegar mumalik mein mazdooron ki naqal makani mein izafah hua hai.
Oman ne ek haftay se visa jari karna shuru kardiya hai aur watan wapas anay walay mulazmeen ko visa jari karne par ittafaq kiya hai. January se naye visay jari karne ke liye ek badi koshish jari hai kyunkay 2022 mein Qatar mein football world cup hona hai. fil haal kaarkunon ki mutahidda arab amarat mein naqal makani jari hai. work force ki aksariyat mutahidda arab amarat mein tamirati shobay mein mulazim hai lekin un mumalik mein coronavirus ke phelnay se qabal tamirati shobay ko hungamon ka saamna raha hai. is shobay mein mazdooron ke rozgaar ke imkanaat wabai amraaz se poori tarhan mutasir hue hain. Pabandion ko kam karne ke badas shobay mein mulazmat ke bohat saaray mawaqay khil gaye hain. corona virus ke paish nazar daftaroun mein saaf suthra aur office boys ke taqarurat ke liye daftron mein intikhab jari hai. mutahidda arab amarat mein sarkari dafatir mein mulazmeen ka intikhab jari hai.
Bahrain mein, hotlon aur restorano ko khol diya gaya hai jiske baad jo mulazmeen apni khidmaat chodney par majboor hue thay aur lock down mein apne ghar lout gaye thay inhen ab dobarah duty shuru karne ki hidaayat di jarahi hai. kuch mumalik mein to wapas anay walay mulazmeen par koi qarantina ki pabandiyan aed nahi hain jabkay Abudhabi ka israar hai ke wapas anay walay tarkin watan mazdooron ko 14 din ke qarantina mein rakha jaye. Bahrain mein qarantina ka dorania sirf ek hafta tak mehdood hai. Qatar mein hukoomat ne faisla kya hai ke Ajir amlay ko qarantina ki sahoolat fraham karen. Dubai mein waqay ek company mein plumber ki hesiyat se kaam karne walay nizaamabad zila ke Murtuza ko dobarah duty se rujoo honay ke liye bulaya gaya hai kyunkay company ne dobarah kaam shuru kardiya. Ajir ne tamam 20 afraad jo is ke saathi thay sab ko kaam par wapas talabb kya hai.