Hyderabad: Ganesh ki moorti ke size par tamam shukook-o-washabahat ko daur karte hue Hyderabad ki Khairtabad Ganesh Utsav committee nay elaan kiya ke is martaba Ganesh ki moorti ka size sirf 9 Feet hi hoga. Qabal azeen is talluq se shardhalon mein kaafi shukook aur khadshaat paye jatay thay. Reyasti dar-ul-hukoomat Hyderabad ke ilawa Telangana aur AP ke kayi ilaaqon se shardhalon ki badi tadaad yahan Ganesh ki moorti ki pooja ke liye aati hai.
Ganesh ke mamdap ke Organizers ny kaha ke corona waba ki wajah se jaria saal ye faisla kiya gaya. Qabal azeen Pujarion ny moorti ki tayari ke liye pehli pooja ki. Committee ny kaha kay corona aur hukoomat ki hidayat par is martaba moorti ka size kam karne ka faisla kiya gaya. Committee ny shardhalon se Appeal ki ke wo darshan ke liye nah ayen. Har saal barri tadaad mein syastdanon ke sath sath ahem shaksiaat Khairtabad Ganesh ki moorti ki pooja karte hain.