Hyderabad : Congress ke senior leader aur sabiq TPCC sadar Ponnala Laxmaiah ne hafta ko yeh daawa kiya ke wazeer-e-aala K Chandra Shekhar Rao Telangana riyasat ke rehne walay nahi hain. unhon ne yeh bhi kaha ke agar unhoun ne riyasat ki taraqqi ke liye acha kaam karte hain to woh wazeer-e-aala ke samnay jhukenge.
KCR ke bayan ko yaad karte hue ke ”oh pandrah august se apni asli hukmarani dikhaayenge “Ponnala Laxmaiah ne wazeer-e-Ala se poocha key kiya woh tasleem karne ke liye tayyar hain ke pichlle 9 mahino se unhon ne riyasat mein sahih tareeqa se hukmarani nahi kiya hai ?
Is baat ki nishandahi karte hue ke congress hukoomat ne Aarogyasri scheme muta-arif karwai hai, Ponnala ne wazeer-e-aala se poocha ke kiya net work hospitals ke zareya Aarogyasiri khidmaat ki muatali achi hukmarani ke zamray mein aati hai?
Media numaindon se baat karte hue unhon ne yeh bhi ilzaam lagaya ke ”Kalyan laxmi, shadi mubarak scheme, Rythu bandho jaisi flahi schemes zair-e-iltewa hain. aur be-rozgaar nojawanoun ko be-rozgari ka allowence nahi mil raha hai. yeh ilzaam lagatay hue ke wazeer-e-aala ne riyasat ko 2 laakh crore rupiyon ke qarz ke boojh taley daba diya hai.
Sabiq wazeer ne ilzaam lagaya ke TRS hukoomat ke fees muawza scheme ko kamzor kar diya hai. unhon ne ilzaam lagaya ke gaon ke sarpanchoun jaisay awaami numaindoun ko pouda na laganay par mo-attal kiya ja raha hai. unhon ne yeh bhi ilzaam lagaya ke wazeer-e-aala sirf corruption mein mulawis hokar kayi schems mutarif karwa rahay hain. –YTN STAFF