Hyderabad : Telangana reyasti qanoon saaz council mein sabiq qaied oppostion wo sabiq wazeer Mohammad Ali Shabbir nay jummeraat ke roz media ko ek bayan jari karte hue, wazeer-e-aala KCR aur AIMIM ke sadar wo rukan-e-parliament hyderabad Asaduddin owaisi par ye ilzaam aaed kiya ke wo shehriat tarmeemi qanoon ( CAA ) aur NRC ke khilaaf jari ehtijaj ko sabotage kar rahay hain.
Owaisi Telangana ki poori muslim mazhabi qayadat ko pragati bhavan legaye aur inhen KCR ke hirasti markaz mein yarghmal bana liya. Pragati bhavan mein KCR se milnay walay tamam afraad KCR ki ijazat ke baghair CAA aur NRC ke khilaaf kisi bhi ehtijaj mein hissa nahi lesatke hain.
Shabir Ali nay kaha ”KCR aur owaisi dono ko BJP ki khufia itihadiyon ki haesiyat se baar baar be-naqaab kiya gaya. KCR nay BJP hukoomat ki is tarhan ki tamam tadbiroun mein himayat ki. jaisay note bandi, GST, teen Talaq bill, article 370, NIA act, sadar mumlikat aur naib sadar ka intikhab, Rajya sabha ke naib chairman aur deegar mutanazia faislay.
Isi tarhan, AIMIM nay BJP ki B-team ki hesiyat se kaam kiya aur secular vote taqseem karkay polarised intikhabaat ke zarea mukhtalif reyaston mein intikhabaat jeetnay mein madad ki. KCR aur owaisi dono is waqt ghabra gaye jab tamam mazahb se talluq rakhnay walay hazaro afraad nay raza karana tor par CAA ke khilaaf muzahiron mein hissa liya. unhon nay kaha ke secular honay ke apne jaali image ko bachanay ke liye, ab woh CAA mukhalif tehreek ko roknay ki koshish kar rahay hain.
Shabir Ali nay kaha ke congress party nay mulk bhar mein CAA aur NRC ke khilaaf badey paemanay par ehtijaj shuru kiya hai aur jab tak markaz NRC ke sath mutanazia faal aur NPR ko khatam nahi karta, tab tak yeh nahi rukegi. –YTN STAFF