Hyderabad : Telangana ke wazeer-e-aala K.Chandra Shekhar Rao ne mangal ke roz Godavari nadi ka fazai nazarah kiya aur Kaleshwaram project ka doura kiya . Unhon ne nadi ke ooper ek Helicopter mein udaan bhari aur Medigadda se dharam poori tak 140 kilometer raast mein mukhtalif maqamat ka doura kiya.
KCR ne is nadi ka muaina kiya jo guzashta ek hafta se jari barish ki Wajah se badi tadaad mein baadh aayi thi. Wazeer-e-aala ne kuch aala ohdedaron ke sath hyderabad mein ek Helicopter mein sawaar hue aur Medigadda bridge pohanche. halki si barish ke beech unhon ne Godavari nadi ki pooja ki aur bridge mein mehfooz pani ka muaina kiya .
Is ke baad KCR Golivada Pump House rawana ho gaye. mukhtalif muqamat ka doura karne ke baad woh Dharampuri pohanhchege.
Telangana ke wazeer-e-aala ne apne Maharashtra aur Andhra ke hum munsibon ke qaideen ke sath June mein Kaleshwaram project aab paashi scheme ( KLIS ) ka iftitah kiya tha. –YTN STAFF