Hyderabad: Reyasti hukoomat har saal Christmas ki taqrebaat ka ihtimaam kar rahi hai aur 24 decemeber ko Christmas ke mauqa par mustahiq Esaion, Yatimon, Bodhoon aur ghareeb-o-miskeeno mein Telangana hukoomat ke tohfay ke tor kapdoun ki taqseem aur Christmas taqrebaat ka ineqad karti rahi hai. Is saal, Wazeer aala ke Christmas dinner programme ke douran 9 mumtaz isaai afraad aur 4 idaroun, Jinhoun ne mukhtalif shobo mein behtareen karkardagi ka muzahira kiya hai, Unko aizaz se nawaza jayega.
Wazeer aala ke K. Chandrashekar Rao 20 decemeber ko LB stadium mein Christmas dinner pragram ki maiz baani karenge. Jis mein wazraa, Arkaan Assembly, MLC, Bishop, Paadri, Posh rehnuma, Scheme se istifada karne walay loog aur isaai baradri ke afraad shareek honge.
Wazeer aala ke Chandrashekar Rao ki yaqeen dehani ke mutabiq, Ganndipet mandal ke tehat Kokapet gaon mein isaai imarat ki taamer ke liye 2 senate sarkari araazi allot ki gayi thi. Aur isaai baradri ko tadfeen ke liye Ranga Reddy, Madchal aur Waqarabad azlaa mein 40.21 aekar sarkari raazi mukhtas ki gayi. –YTN STAFF