Mumbai : Mashhoor adakara Katrina Kaif, Salman Khan ke sath Big Boss ke season 13 ki Mezbani karsakti hain. chootay parday ka mashhoor reality show big boss ka season 13 shuru honay wala hai. is TV show ki tayyariyan shuru hogayi hain. shouki maizbani karne walay Salman Khan is martaba kayi tabdeeli karne walay hain. Salman ke is TV show mein pehlay ek aam aadmi bhi hissa laita tha ab khabrain hain ke yeh nazriya khatam kiya jayega. is TV show ke mutaliq ek nai khabar samnay aayi hai .
Aisi khabrain hain ke is martaba Salman is TV show ki maizbani akailey nahi karenge. bataya ja raha hai ke is martaba Salman Khan is TV show mein badi tabdeeli karne ki tayari mein hain. Salman ko mehsoos hua ke is TV show mein naya pan laane ke liye tabdeeli ki zaroorat hai aur show mein ek khatoon maizban bhi rakhni chahiye. ab tak kuch tey nahi hai lekin is barey mein behas shuru hogayi hai. Salman Khan big boss 13 mein ek khatoon maizban ke sath Mezbani karne ki baat kar rahay hain to aisa lagta hai ke Katrina Kaif se acha aur kon hoga, to agar Katrina, Salman ke sath aati hain to dekhanaa kaafi dilchasp hoga. Salman aur Katrina ki jodi wali film Bharat 5 June ko release hogi . –YTN STAFF