Washington: Americi naib sadar ki press secretary Katie Miller coronavirus se sehat yab ho kar kaam par wapas agaien. Un ke bemaar honay ke baad se White House mein kaam karne walay afraad ne mask ka istemaal shuru kar diya tha.
Katie Miller Americi sadar Donald Trump ke musheer ki ahliya bhi hain. Unhoun ne kaha ke un ka 3 martaba coronavirus test manfi aaya jis ke baad wo kaam par wapas ayen hain. Unhoun ne apna ilaaj karne walay doctors ka shukriya ada kiya. Katie Miller May ke shuru mein coronavirus ki tashkhes huvi thi. Katie Miller ke ilawa White House mein kaam karne walay ek aur shakhs ka coronavirus test misbet aaya tha jis ke baad wahan mask ka istemaal aur deegar hifazati iqdamaat par amal karna shuru kiya gaya tha. –YTN STAFF