Kuala Lumpur: Malaysia ke wazeer-e-aazam Mahatir Mohammad ne aqwam-e-mutahidda ki general assembly mein apni taqreer mein hindustani foujiyon ke kashmirion par muzalim aur qabzay se mutaliq apne bayan ko wapas lene ke dabao ko mustard kar diya.
Bain ul aqwami khabar Rasan idaray ke mutabiq Malaysia ke wazeer-e-aazam Mahatir Mohammad ne hindustani hukoomat ki janib se Kashmir se mutaliq apne remarks ko wapas lene ke mutalbe par kaha hai ke mai apni baat par qaim hon. aur kaha ke ”hal hi mein hindustan ke wazeer-e-aazam Narendra modi se mulaqaat mein bhi wohi baat dohrai thi. unhon ne mazeed kaha ke ”Jahan jahan mauqa mila, kashmirion ki aawaz banunga.
Wazeh ho-ke Mahatir Mohammad ne aqwam-e-mutahidda ki general assembly mein apne khitaab mein maqbuza Kashmir ki khusoosi haesiyat khatam karkay Article 370 ko mansookh karne ke iqdaam ko kashmirion par hamla aur najaaiz qabza qarar dete hue duniya ke samnay hindustani mazalim ko be-niqaab kiya tha aur aqwam-e-mutahidda se apni ratt qaim karte hue Kashmir se mutaliq qarardad par amal Dar-aamad karne par zor diya tha.
Mahatir Mohammad ke aalmi satah par Kashmir ka masla uthane par Modi hukoomat bokhla gayi aur wizarat-e-kharja ke tarjuman ne Malaysia se bayan wapas lene ka mutalba karte hue kaha tha ke Kashmir hindustan ka androoni masla hai, jis par malaysia ko mudakhlat karne ki zaroorat nahi hai. jis ke baad Mahatir Mohammad ne apne is bayan ko wapas lene se inkaar kardiya, aur kaha ke mai apni baat par qayam hon. –YTN STAFF