Sri nagar: Kashmir mein zair-e-hirasat Mainstream siyasat daano ko raha karne ka amal shuru ho gaya hai. zaraye ne bataya ke peer ko Jammu-o-Kashmir ke sabiq wazraa, Ashraf Mir aur Hakeem Yasin ko MLA Hostel se raha kar diya gaya. zaraye ne bataya ke 2 deegar siyasi rehnumao, Dilawar Mir aur Ghulam Hassan Mir , Jo nazar band they ko bhi raha kar diya gaya hai.
Zaraye ke mutabiq, markazi edharay mein shaamil 50 ke qareeb siyasat daano ko aindah chand dinoun mein raha kiya jaye ga. hirasat mein liye gaye siyasi rehnumao ko jinhein pehlay dil jheel ke kinare waqay Cenature Lake View Hotel mein rakha gaya tha, inhen guzashta haftay yahan MLA Hostel le jaya gaya tha.
Jammu-o-Kashmir ki sabiq wazeer-e-Aala Mehbooba Mufti ko hal hi mein chashmay Shahi ke ek Guest house se ME Road par waqay ek sarkari makaan mein muntaqil kiya gaya tha, Jabkay ek aur sabiq wazeer-e-Aala Farooq Abdullah 5 August ko Article 370 ko mansookh kiye jaaney ke baad se hirasat mein hain. inhen Public Safety Act ( PSA ) ke tehat hirasat mein rakha gaya hai.
Wahein Farooq Abdullah ke far zand-o- Jammu-o-Kashmir ke sabiq wazeer aala Omar Abdullah ko Hari Niwas ke sarkari Guest House mein nazar band kiya gaya hai. – YTN STAFF