Srinagar: Jammu o Kashmir intizamia ne qaidyoun ko reha karne ke silsilay ke tor par jummay ke roz ek sabiq wazeer sameit 4 sabiq erkaane Assembly ko reha kar diya gaya. Wo 5 August se hi nazar band they, Jab markaz ne Article 370 ko mansookh karkay riyasat ko 2 markazi ilaaqoun mein taqseem kar diya tha. Reha kiye jaane walay charoun rehnumao mein, Haji Abdul Rasheed, Nazir Ahmed Gurezi, Mohammad Abbas Wani aur sabiq wazeer Abdul Haq Khan shaamil hain.
Jumaraat ke roz 5 siyasi rehnumao ko reha kiya gaya, Jin mein National Conference ke qayed Altaf Kaloo, Showkat Ganaie aur Salman Sagar, Aur peoples Democratic Party ( PDP ) ke rehnuma Nizamuddin Bhat aur Mukhtar Bandh shaamil hain. Salman Sagar Srinagar Municipal Corporation ke sabiq mayor hain.
Wazeh rehay ke maz warah charoun rehnumao ki rehahi ke baad, Is waqt waadi mein 21 qaideen zair hirasat hain, Un mein 3 sabiq wazraye aala. Farooq Abdullah , Omar Abdullah aur Mehbooba Mufti shaamil hain.
Farooq Abdullah ko sab jail ke naamzad Srinagar ke Gupkar Road par waqay un ke ghar mein rakha ya hai. Omar Abdullah ko Hari Niwas aur Mehbooba Mufti ko Srinagar ke Maulana Residency road ke sarkari bungalow mein hirasat mein rakha gaya hai.
Pichlle saal November mein markazi edhaaray mein shaamil kul 35 siyasat daano ko Srinagar ke Hotel Centaur se shehar ke MLA hostel le jaya gaya tha. Guzashta jummay ko Justice N.V. Ramana ki sarbarahi mein Supreme Court ke ek bench ne markazi khittay ki intizamia ko 161 din se ziyada ke liye Jammu o Kashmir mean jari tamam sikshnoun ka jaiza lainay ka hukum diya tha. –YTN STAFF