New Delhi: Congress ne kaha hai ke Jammu Kashmir may sab kuch theek honay ke baray may poori duniya may shore macharahi Modi hukoomat ku batana chahiye ke Kashmir ko mulk ka atot hissa banaye rakhnay may taawun karne walay markazi edhaaray ke rehnumao ko hirasat may kis wajah se rakha gaya hai.
Congress tarjuman Pawan Khera ne yahan Party Headquarters may Press Conference may kaha ke Jammu Kashmir may markazi edhaaray ke sabhi rehnuma hirasat may hain. un rehnumao ne Kashmir ko mulk ka hissa banaye rakhnay ke liye musalsal kaam kiya hai aur apna ahem taawun diya hai. un rehnumao ko hirasat may rakhnay ka koi jawaz nahi hai aur hukoomat ko batana chaheye ke unhein kis wajah se nazarband kiya gaya hai.
unhoun ne daawa kiya ke Jammu Kashmir may sab kuch theek nahi hai. wahan Phone ki ghanti nahi baj rahi hai, dawakhanu may dawayan nahi hain aur bijli nahi honay se log pareshan hain. Mobile khidmaat ar Mobile Data wahan band hai. lug apne azeezoun se baat nahi kar pare hain. Europe ke arkaan-e-Parliament ku vaha bheja jaraha hai lekin mulk ke arkaan Parliment ko wahan janey ki ijazat nahi di jarahi hai.
tarjuman ne kaha ke markazi-e-dhaaray ke rehnumao ko hirasat may rakhnay ki koi wajah nahi hai. hirat ki baat hai ke Dr.Farooq Abdullah jaisay lug band hai. ye wohi Dr. Abdullah hai jo Atal Bihari Vajpayee ki qayadat wali hukoomat may markaz-y-wazeer rahay hain.
wo Lok Sabha rukan hain aur peer se Parliment ka surmaee ijlaas shuru ho raha hai. Dr. Abdullah muntakhib numainda honay ki wajah se Kashmir ke lugoun ki aawaz uthatay lekin nahi utha payege. unhein alehadgi pasandoun ki saf may shaamil karkay hirasat may rakha gaya hai. inka ek bhi twit ishtehaal angaiz nahi hai phir bhi wo hirasat may hai. – YTN STAFF