Srinagar: Waadi Kashmir mein jummay ki namaz ke douran security intizamaa barqarar rakhnay ke liye hassas maqamat par markazi name fouji dastay ( CPMF ) aur police ke jawan tainaat kiye gaye hain. Tareekhi Jamia Masjid mein 20 haftay ke baad loog jummay ki namaz ada kar sakay. Yahan dukanain aur tijarti idaray khulay rahay aur traffic mamool par rahi. Waadi mein 5 August ko article 370 khatam kiye jaaney ke baad se pichlle 138 dinoun se riyasat mein BSNL sameit sabhi companiyoun ki Internet khidmaat band hain.
3 sabiq wazraye alla Farooq Abdullah, Un ke betay Omar Abdullah aur Mehbooba Mufti, Sabiq rukan Assembly aur sabiq wazeer sameit mukhtalif siyasi partiyoun ke kayi leadroun ki hirasat mein koi raahat nahi di gayi hai. 5 August ke baad pehli martaba charshumbe ko Hurriyaat conference ke sadar Mirwaiz Umar Farooq ke ghar mein waqay is Masjid mein namaz padhnay ka silsila shuru huva. Har haftay jummay ko namazioun se khitaab karne walay Mirwaiz pichlle 138 dinoun se nazar band hain .
Civil Lines, Shehar aur puranay shehar sameit waadi Kashmir mein hassas ilaqoun mein markazi Reserve Force ( CRPF ) aur police ahelkaar izafi jawan tainaat hain.
Mausam garma ke dar-ul-hukoomat Srinagar sameit waadi Kashmir mein dukanain aur tijarti idaray khulay rahay aur sabhi raastoun par traffic mamool par rahi. Waadi mein shadeed thand ke bawajood subah sadhay 9:30 dukanain khulein. Sifar se kam darjah hararat ke darmain markazi name fouji dastay ( CRPF ) ke jawab aman-o-qanoon banaye rakhnay ke liye hassas maqamat par tainaat rahay. –YTN STAFF