Banglore: Karntaka ke chief monster BS yediyurappa ki janib se aaj kabeena mein ki gayi towsee mein shaamil kiye gaye 17 naye wuzra mein Lingayats tabqay ko sab se ziyada ahmiyat di gayi hai jiske saat arakeen assembly ko wazeer banaya gaya hai. Lingayats tabqay ke baad darj fehrist zaat o qabail ke arakeen assembly ko jagah di gayi hai jiske 4 arakeen assembly ko wazeer banaya gaya hai. is ke baad teesray number par kalinga tabqay ka number aaya jis ke teen arakeen assembly wazeer ke tour par shaamil kiye gaye hain. is ke alawa pasmandah tabqay ke do aur ek brahman rukan assembly ko bhi wazeer ke ohday aur raazdari ka halaf dilaya gaya hai.
Sab se khush qismat rahay azad rukan assembly H nagesh jinhein kabeena ke wazeer ke tour par halaf dilaya gaya. pehli martaba mulbagal se election jeet kar aaye nagesh pichli baar congress. janata dal ittihadi hukoomat mein bhi wazeer kabeena rahay the. aaj ki towsee ke sath hi chief minister Yediyurappa kabeena ki tadaad badh kar ab 18 hogayi hai. isse pehlay chief minister ke tour par yediyurappa ne akailey hi halaf lia tha. congress aur janata dal ke 17 baaghi arakeen assembly ko na ahal qarar diye janey ke assembly speaker ke faislay ko supreme court mein challenge kiya gaya yahi wajah hai ke yediyurappa ne apne kabeena ki towsee aeen ke mutabiq ziyada se ziyada tadaad tak towsee nahin ki hai lekin yediyurappa sameit sabhi ki nigehain supreme court ke faislay par tiki hui hain. –YTN STAFF