New Delhi: Social Democratic Party of India ( SDPI ) ke qaumi General Secretary Mohammad Shafi ne Lucknow mein 5 August ko SDPI mimbraan sameit 3 Muslim samaji karkunaan par mubina tor par WhatsApp post share karkay firqa waranah hum ahangi bigaad nay ke ilzaam mein giraftar kiye janey ki sakhti se muzammat ki hai. Police ne ye nahi bataya hai ke post ka mawaad kiya tha aur wo firqa waranah hum ahangi ke kaisay khilaaf tha?
Babri Masjid faislay mein Suprem Court ney apne hatmi faislay mein wazeh tor par kaha tha ke’ ASI ki report ke ahem hissay ko jawab nahi diya gaya hai, Yani Masjid ki taamer ke liye kisi Hindu Mandir ko munhadim kiya gaya tha, Aur is baat ki wazahat karne ke liye koi saboot dastyab nahi hai ke taqreeban 4 sadiiyon ke douran kiya huwa. Faislay mein ye bayanaat bilashuba is daaway ki tardeed karte hain ke Masjid ko ek Mandir masmaar karkay taamer kiya gaya tha. Lehaza musalmanoon ko ye haq haasil hai ke wo sar zameen jahan bhoomi poojan ki gayi thi wo Masjid ki hai aur ye daawa adalat ke inkishaaf ke mutabiq hai. Lehaza aisa daawa nah to wo ghair qanooni hai aur nah hi firqa waranah hum ahangi ke khilaaf hai.
SDPI qaumi general secretary Mohammad Shafi ne markazi aur Uttar Pradesh ki RSS hukoomaton se Appeal ki ke wo ikhtalafi awazon aur shehriat qanoon ke khilaaf saf awwal mein khaday honay walay kaarkunon ko nishana bananay aur un par jhutay muqadmay darj karne se baz rahen.