Hyderabad : AIMIM ke floor leader wo rukan-e-assembly Chandrayangutta Akbaruddin Owaisi ne mangal ko TRS ke car-guzaar sadar KT Rama rao se Jubilee hills may waqay unki rihaish gaah par mulaqaat ki. dono qaideen ki mulaqaat siyasi halqoun mein kaafi ahmiyat ki haamil maani ja rahi hai. kyunkay kareem nagar zilai adalat mein Akbar Owaisi ke khilaaf, unki taqarir se mutaliq case darj kiya gaya hai.
Kareem nagar ke BJP MP Bandi Sanjay kumar ne is silsila mein dhamki dete hue kaha hai ke agar reyasti hukoomat is darj ki gayi shikayat par karwai karne mein nakaam rehti hai to nichli adalat ki hidaayat par, qaumi tafteeshi agency ( NIA ) ke zareya Akbar Owaisi ko girftar karwaenge. is pas manzar mein Akbaruddin Owaisi aur KTR ki mulaqaat ahem maani ja rahi hai.
Wazeh ho-ke kuch din qabal majlisi qaied ne zila kareem nagar mein ek jalsa se mukhatib hokar kaha tha ke anqareeb munaqqid honay walay Baldi intikhabaat mein bhaley hi majlis kamyaab na ho, magar BJP ko shikast do. is bayan par BJP wo siyasi halqon mein narazgi dekhi gayi thi.
Isi silsila mein kareem nagar ki adalat mein Akbaruddin ke khilaaf case darj kiya gaya hai. mazkoorah BJP MP ki janib se inhen girftar karwanay ki dhamki di gayi hai. –YTN STAFF