New Delhi: Angioplasty se guzarnay ke ek haftay baad Legendry Cricketer Kapil Dev ne jumaraat ko apne sabiq hindustani sathiyon ko 1983 ke World cup ki mubarakbaad dete hue kaha ke woh ab bohat acha mehsoos kar rahay hain aur jald hi sab se milnay ke khawahish mand hain. 61 sala cricketer Kapil Dev ko dil ka dora padney ke baad Angioplasty kiya gaya aur kuch din baad usay dawakhana se ghar jane ki ijazat di gayi.
Angioplasty ek tareeqakar hai jo masdood shuda sharianon ku kholta hai aur dil mein aam khoon ke bahao ko bahaal karta hai. Jamni rang ki T-Shirt mein malbos pur josh Kapil ne kaha mera khandan 83… Mausam bohat Khushgawar hai aur mein aap sab se milnay ke liye be had be chain hon. Mein bohat acha mehsoos kar raha hon. Aap ki khwahisaat aur tashweesh ke liye sab ka shukriya. Ek video jo unhoun ne apne 1983 ke sathiyon ke sath share ki.
Mujhe umeed hai ke hum sab bohat jald milein ge. Mein jald se jald aap sab se milnay ki koshish karoon ga. Hum saal ke ekhtataam par pahonch chuke hain aur mujhe yaqeen hai ke aglay saal ki shuruvaat behtar hogi. Aap sab se mohabbat hai. Kapil Dev ne 1983 mein Hindustan ko pehli martaba world cup mein kamyabi dilae thi. Sabiq captain jinhon ne bhi cricket se subuk doshi ke baad golf mein apni mahaarat ka muzahira kiya woh wahid khiladi hain jinhon ne 400 se ziyada wickten ( 434 ) len aur test mein 5000 se ziyada runs banaye. Inhen 2010 mein international cricket council ke hall of fame mein shaamil kiya gaya tha.