Hyderabad: GHMC intikhabaat ke nataij ke liye karwai shuru hochuki hai aur youme-e-ginti ke paish-e-nazar kamiyabi ke baad har terhan ki kamyabi ki rallies aur juluson par pabandi aaed kardi gayi hai. Iske ehkamaat Hyderabad, cyberabad aur rachakonda police commissioner ne guzashta roz hi jari kardiye hain. 4 decemeber ko voton ki ginti ke baad kisi bhi qisam ki reliyan 48 ghanton tak nikaalte ki ijazat nahi hai. yeh mamnooa hukum awaami aman o sukoon ki khilaaf warzi par paye jane walay khadshaat ke paish e nazar jari kiya gaya hai. mazeed yeh ke kamyabi ke un juluson se hyderabad mein covdi-19 ke phelao mein izafah hosakta hai.
Chunkay un juloson aur reliyan aman ke khilaaf warzi ka baais banaygi lehaza police ne iski khilaaf warzi karne walon ke khilaaf sakht karwai karne ka intibah diya hai .
yaad rahay ke reyasti Hukumat aur election commission ki janib se Hyderabad ke baldi intikhabaat ko par aman munaqqid karne mein koi kasar nahi choari aur yakam dsmbr ko intikhabaat pur aman hue halaanke raye dahi ke aakhri ek ghantay mein 10 feesad raye dahi ke adad wo shumaar par hunooz kayi sawalaat baqi hain jabkay malakpet mein CPI ko CPIM ka intikhabi nishaan mukhtas kiye jane ke baad is division mein 3 dec ko raye dahi hui, iske alawa chand ek mamooli noiyat ke waqeat se qata nazar intikhabaat par aman andaaz mein mukammal hue hain.
Intikhabaat ke nataij ko ab chunkay sirf chand ghantay hi baqi hain lehaza police kamyabi ke baad siyasi leadron aur unke madahon ki janib se shore wo ghul karne, awaami aman wo aman ko darham barham karne walay aur corona ke phelao ka baais ban’nay wali har kisi qisam ki kamyabi ki rallies aur jalson par pabandi aaed kardi hai.