Hyderabad : Halqa lok sabha Secunderabad ke TRS umeed waar Talasani Sai Kiran Yadav ne aaj kaha ke TRS , Lok sabha ke sabhi 16 nishitoun par kamyabi haasil karegi. press club mein meet the press programme ke douran unhon ne kaha ke wo kamyaab honay ke baad dono judwa shehron ki taraqqi ke liye kaam karenge. aur awam ko bunyadi saholaten faraham karenge .
Animal husbandry ke wazeer Talsani Srinivas Yadav ke Farzand Sai Kiran yadav Secunderabad halqa se intikhab mein hissa letay hue siyasat mein daakhil ho rahay hain .
Sai Kiran ne kaha ke Telangana apni Schemes aur taraqqi ke programon ki wajah se mulk bhar ke liye ek misali riyasat bangaya hai. mein wazeer-e-aala KCR ki umeedoun par khada utrunga. aur party ke Waqar ko banaye rakhnay ki ko shash karoonga. unhon ne kaha ke TRS hukoomat mukhtalif schemes ke zareya gareebi ko dur karne ki koshish kar rahi hai .- YTN STAFF