Hyderabad: Riyasat Telangana ke darul hukoomat Hyderabad ke ilaaqe sidabad srinagar colony mein kamsin ladki ka ismat rezi ke baad qatl karne ki wardat mein mulawwis mulzim Raju ki giraftari ke liye police ne jahan apni talashi muhim mein shiddat paida kar di thi aur is mulzim ki ittela dene wale ko 10 lacks ka inaam dene ka bhi elaan kar diya tha jiske baad lagta hai ke apni giraftar aur saqt tareen anjaam ke paish e nazar Raju ne khud kashi karli hain.
Ittelat ke mutabiq Raju ki jaanib se Rail ke aage chalang laga kar khud kashi kar leni ki ittelaat mili hain. Riyasat ke DGP Mahender Reddy ne Tweeter par is ki ittela di. Mulzim Raju ne ghanpur railway station ke khareeb train ke aage chalang laga kar khud kashi karli. Ghanpur police station Hyderabad se Chand kilometer ke fasle par ghat kesar ke hudood mein aata hain. Police ne is ke haath par Raju naam ke tatoo se mulzim ki shanaqt ki. Tweeter par police ne uski mutaddud tasaweer shaya karte huwe tasdeeq ki hai ke usne rail ke samne kud kar khud kashi karli hain. Wazeh rahe ke mulzim Raju ko police ki jaanib se talash kiya ja raha tha. Aur uski giraftari par 10 lacks rupiye ka inaam rakha gaya tha aur police ki jaanib se uski shiddat se talash jaari thi.
#AttentionPlease : The accused of “Child Sexual Molestation and murder @ Singareni Colony, found dead on the railway track, in the limits of #StationGhanpurPoliceStation.
Declared after the verification of identification marks on deceased body. pic.twitter.com/qCPLG9dCCE— DGP TELANGANA POLICE (@TelanganaDGP) September 16, 2021
Mehmood ali ki mutasira khandan se mulaqat aur check hawale
Riyasat e Telangana ke vazeer daqila Mohammed mehmood ali aur Satya wathi Rathod aaj subha ke ibtedai auqaat mein na baalig ladki ke walidain se Srinagar colony sidabad Hyderabad mein unki rihayesh gaah par mulaqat ki aur unhe khandan ke deegar afraad ko tasalli di thi ke mulzim ko kaifir e kirdar tak pohunchaya jaeiga. Hukoomat ki jaanib se muafza ex greshia ki madad 20 lacks ka check hawale kiya. Is mauqe par unho ne riyasati hukoomat ki taraf se madad aur deegar tawun ki yaqeen dihaani karwayi thi aur mujrim ke khilaf khanoon ke mutabiq saqt karwayi aur insaf jitna jald mumkin ho sake dilwane ki baat kahi thi. Is mulaqat ke chand ghanton baad hi mulzim Raju ki khud kashi ki khabar mausool huwi hai.