Kolkata: Bangladeshi cricketer Shakib Al Hasan ne Calcutta ke Beliya ghata mein kaali pooja ki taqrebaat mein shirkat karne ki wajah se apne mulk mein sakht tanqidon ka saamna aur dhamkian milnay ke baad maafi maang li hai aur unhon ne bayan jaari karte hue kaha hai ke shayad mujhe is tarhan ke mazhabi jaghon ka dora nahi karna chahiye mujhe iska bohat hi afsos hai aur mein koshish karoonga ke aindah aisi harkato ka dobarah irtikaab na ho.
Bangladeshi cricketer Shakib Al Hasan Calcutta ke beliya ghata mein waqay ek kaali pooja pindal ka iftitah karne ke liye petra pole bain ul aqwami sarhad point ke rastay Calcutta aaye thay. Inhen mortiyon ke samnay pooja karte hue dekha gaya tha. aglay din woh Bangladesh wapas chalay gaye. Shakib Al Hasan ki yeh video viral honay ke baad Bangladesh mein woh sakht tanqidon ki zad mein thay.
Baad mein unhon ne bayan jaari karte hue kaha ke mein wahan taqreeb ka iftitah karne gaya tha. mein wahan mortiyon ki pooja karne nahi gaya tha, na hi mein yeh karskta hoon. aap ba-aasani iski tasdeeq kar saktay hain. Ek bashaour musalman ki hesiyat se mein aisa nahi karoonga. Yeh waqea bazahir intehai hassas hai. mein yeh kehna chahta hon ke mujhe musalmanoun honay par fakhr hai, islami talemaat par amal karta hon.
Ghalatiyan hosakti hain. agar mein ne koi ghalti ki to mein aap se maafi mangta hon. 33 sala Shakib Al Hasan ne kaha ke jab woh is maqam par puhanche to taqreeb ka aaghaz hochuka tha. mein thori der wahan rok kar wapas chala gaya.
Is ke ilawa Beena pole bain ul aqwami immigration chocky par Shakib Al Hasan is waqt ek aur tanaza ke shikaar hue jab unka ek madah selfie khenchnay ki koshish karne laga. Beena pole ke rehaishi Mohammad Saghir ne daawa kiya ke mein Shakib Al Hasan ka madah hon, mein ne inhen kabhi bhi aamnay samnay nahi dekta tha. Jab mein ne is din inhen beenal pole chocky par dekha to mein apne aap par qaboo nahi rakh saka.
Mohammad ne mazeed kaha ke kya unke sath koi selfie lena jurm hai? Shakib Al Hasan ne phone pakra aur mujhe dhaka dete hue mere mobile phone ko pheink diya. iski wajah se mera phone toot gaya.
Is waqea par Shakib ne bayan jari karte hue kaha ke yeh ghair iraadi tha. mein ne phone todnay ka iradah nahi kiya tha. mein corona virus ki wajah se apne aap ko ( doosron se ) mehfooz faaslay par rakhnay ki koshish kar raha tha keh achanak mere qareeb agaya aur taswerain khenchnay laga. Jab mein usay hataane ki koshish ki to iska phone neechay gir gaya. Mumkin hai ke iska phone toot gaya. mein is waqea par mazirat khwa hoon. Mujhe lagta hai ke inhen bhi mohtaat rehna chahiye tha.
Bangladesh ke shehr Shahpoor taalluq paara ke rehaishi mohsin ne Facebook live par Shakib Al Hasan se mutaliq kaha ke is ne musalmanoun ke jazbaat ko majrooh kiya hai agar isne maafi nahi mangi to mein is ke tukday tukday kardoonga aur zaroorat padi to mein shahpoor se dhaka jaoonga. Taham baad mein karwai ke khauf se woh dobarah Facebook live par aaya aur apne iqdamaat par mazirat karli. dono videos ko Facebook se hata diya gaya hai.
Mohsin ke ahal-e-khanah ne daawa kiya hai ke woh nashay ka aadi hai aur aseen ko giraftar kar liya gaya hai. is baat ki tasdeeq salhat metro police ne mangal ki subah ko media se ki hai. ICC ke anti corruption unit ko mutadid bad unwani ke baray mein ittila nahi dainay ki wajah se all rounder Shakib ko ek saal ki muatali ki saza ke sath, 2 saal ki pabandi ka samna tha aur ye pabandi 29 october ko khatam hogayi hai aur ab woh dobarah cricket khailnay ke ahal hogaye hain.