Mecca Mukarrama mein Hajj season ke dauran kayi jazbati manazair dekhnay ko mlitay hain. Aisay hi aik waqea mein shaam ki jung mein aik dosray se judda hojane walay bhai, Mecca Mukarama mein mil gay. Adayie Hajj ke liye aik bhai Syria se yahan pouncha tha jabkay dosra bhai Jordan se yahan se pouncha tha aur dono aik dosray se mil kar intehayi jazbati hogaye. Social Media par aik jazbati Video Clip gardish kar raha hai. Is Video mein do Shami bhaiyon ko aabdeedah haalat mein aik dosray ke sath galaay mlitay hue dekha ja sakta hai. Yeh dono bhai Shaam mein khanah jungi ke sabab aik dosray ko kho baithy they taham Hajj ke safar ke silsila mai Mecca Mukarama pahonchney par qudrat ney unhey phir se mila diya. Dono bhaiyon mein aik Jordan mein jab ke dosra Syria mein reh raha hai. Video Clip mein ahraam mein malboos dono bhai intahi jazbati andaaz se baghal geer huve hain. Video ko dekhnay wala insaan bhi dono bhaiyon ki kaifiyat ka andaza karte hue khud ko jazbati honay se rok nahi paata.
.