Hyderabad : Bharatiya janata party ke car-guzar sadar JP Nadda ne itwaar ke roz party ke Telangana ke rehnumao se riyasat mein munaqqid honay walay shehri baldeati intikhabaat mein hikmat-e-amli apnane se mutaliq tabadlah khayaal kiya.
Party ke car-guzaar sadar ka ohda sambhalne ke baad Telangana ke apne pehlay douray ke mauqa par unhon ne party ke rehnumao ko deegar jamaaton se BJP mein shaamil honay walon ke sath mil kar kaam karne ki Talqeen ki.
BJP ke zaraye ke mutabiq, Nadda ne party rehnumao ko baldeati intikhabaat se qabal riyasat mein tanzeem ko mazboot bananay ke liye rehnumaiyana mashwaray diye. unhon ne reyasti BJP ke sarbarah ke Laxman aur deegar rehnumao se kaha ke woh har satah par munasib hum ahangi ko yaqeeni banayen.
Ijlaas mein tamam azlaa mein party ko mazboot bananay ke liye darkaar iqdamaat par tabadlah khayaal kiya gaya.
JP Nadda ka yeh dora BJP ki riyasat mein khud ko mazboot bananay aur hukmaran Telangana rashtra samethi ke mutabadil ke tor par party ko paish karne ki koshishoun ka ek hissa hai.
Riyasat mein chaar lok sabha nishstain jeetnay ke baad BJP ka hosla buland hai. party ne nah sirf secunderabad ki nishist Bar qarar rakhi, balkay TRS se teen nishistain bhi haasil kee. BJP sadar aur markazi wazeer-e-dakhla Amit Shah mumbar shup shuru karne ke liye pichle mah hyderabad aaye they. BJP qaideen ko yaqeen hai ke 2023 ke assembly intikhabaat mein Telangana mein BJP Iqtidaar mein aeyegi. –YTN STAFF