Abu Dhabi: Chennai Super Kings ke khilaaf umdah batting ke baad Man Of The Mathe Award jeetnay walay Rajasthan Royals ke jarehana batsman Jos Buttler ne kaha hai ke woh team ke liye kisi bhi number par batting ke liye tayyar hain. Rajasthan Royals ke wicket keeper batsman Jos Buttler ne Chennai ke khilaaf kamyabi ke baad kaha ke woh team ke liye kisi bhi number par batting ke liye tayyar hain. Guzashta raat Rajasthan ne Chennai ko 7 wickets se shikast di thi. Buttler ne IPL mein apni 11 wi nisf century score ki. Unhoun ne 48 gaindon par na qabil-e-shikast 70 runs banaye. Unhoun ne Smith ke sath chothi wicket ke liye 98 runs ki shiraakat aisay waqt mein nibhai jab team ke ibtidayi 3 wickten jald girgaee theen aur team bhorani soorat-e-haal ki simt agay badh rahi thi. Unhein Man Of The Match bhi muntakhib kiya gaya. Smith ne not out 26 runs banaye.
Buttler ne kaha ke mein fatah se khush hon. Match mein teez khelne ki koshish ki. Mujhe nahi lagta tha ke yeh mera aakhri match hai. Mein ne ek naya andaaz apnaya. Is ne mere liye acha kaam kiya jab tak ke aap par runs bananay ka dabao ho aap ko hamesha apne aap par aetmaad karna chahiye.
Jos Buttler ne shuru mein Rajasthan Royals ke liye Inning ka aaghaz kiya lekin ab woh middle order mein batting karne aaye hain jab Roben Uthappa ke batting order mein oopar rawana karne ke baad panchwin number par batting ke baray mein pouchye jane par unhoun ne kaha ke woh team ke mafaad ke liye kisi bhi number par batting ke liye tayyar hain. Buttler ne is season mein khailay gaye 9 matches mein 32.35 ki ost se 262 runs banaye hain. Is douran IPL mein khailay gaye 54 matches mein unhoun ne 35.05 ki ost se 1648 runs banaye hain. Jis mein 11 nisf century shaamil hain.